Ingresa o primeiro paciente COVID na UCI en Ourense tras dous meses sen ningún

O home tren 71 anos e estaba na illado en planta.

Por Europa Press / Redacción | OURENSE | 19/08/2020 | Actualizada ás 17:42

Comparte esta noticia

Un home de 71 anos de idade con COVID-19 ingresou na Unidade de Coidados Intensivos do Hospital Universitario de Ourense, o primeiro desde mediados de xuño.

Segundo informou a área Sanitaria de Ourense, o paciente levaba tres días ingresado en illamento na planta de hospitalización e sufriu "un empeoramento no seu cadro clínico que obrigou ao seu traslado cara a esta unidade".

En concreto, as mesmas fontes sanitarias subliñaron que a UCI do Hospital Universitario de Ourense "levaba desde o 17 de xuño sen ningún ingreso por COVID-19".

Este mércores, a área sanitaria de Ourense concentra 145 casos activos, catro deles pacientes ingresados no HUO e 141 en seguimento a domicilio. Ata a data, esta área suma 2.191 casos, 1.912 pacientes curados e 134 falecementos. As PCRs ascenden a 39.225.

Edificio do Complexo Hospitalario de Ourense (CHOU)
Edificio do Complexo Hospitalario de Ourense (CHOU)

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta