Por Europa Press / Redacción | MADRID | 19/08/2020 | Actualizada ás 19:33
O ministro de Sanidade, Salvador Illa, pediu "contundencia" ás comunidades autónomas para conter os contaxios do coronavirus e a adopción dun novo paquete de medidas de saúde pública coordinadas en materia de curso escolar para a próxima campaña anual da gripe.
Na reunión telemática que mantivo Illa cos conselleiros de Sanidade das comunidades autónomas no seo do Consello Interterritorial do Sistema Nacional de Saúde, solicitoulles que estas medidas se adopten de maneira homoxénea para abordar de forma coordinada o inicio do novo curso escolar e a tempada da gripe.
O ministro de Sanidade asegurou que as medidas homoxéneas acordadas no último Consello Interterritorial tiveron "boa acollida" e fixo fincapé na importancia de adoptar un novo paquete de accións. Ademais, sinalou que é imprescindible que se tomen todas as medidas oportunas "con contundencia" para seguir controlando a pandemia.
Así mesmo, desde o Ministerio de Sanidade infórmase de que todas as comunidades autónomas mostraron interese na aplicación 'Radar Covid' que, segundo aseguran, podería porse en marcha nas distintas comunidades nas próximas semanas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.