Rescatado un home tras caer por unha pendente nun monte en Abegondo

Persoal de emerxencias rescataron na tarde deste xoves pasado a un home que caeu por un desnivel dun seis metros cando camiñaba por un monte da parroquia de Sarandós, no concello coruñés de Abegondo.

Segundo informou o 112 Galicia, unha vez estabilizado, o ferido foi evacuado a un centro hospitalario para ser atendido das "importantes lesións provocadas pola caída".

O persoal do 112 tivo constancia do suceso minutos despois das 19,00 horas deste xoves a través de Urxencias Sanitarias de Galicia-061, que pediu a colaboración dos efectivos de rescate para evacuar a un ferido que se precipitou por un desnivel de difícil acceso.

Por iso, os xestores do Centro Integrado de Atención ás Emerxencias de Galicia (CIAE) solicitaron a intervención dos Bombeiros de Ordes e de Betanzos co fin de traballar, xunto cos profesionais sanitarios, no rescate e atención ao ferido.

No operativo tamén participaron os voluntarios de Protección Civil da localidade, que confirmaron o rescate e traslado da persoa ferida ata a ambulancia sen que fose xa necesaria a intervención dos bombeiros.

Traballadores de ambulancias do 061 | Fonte: xunta.gal