Por E.P. | SANTIAGO DE COMPOSTELA | 22/08/2020 | Actualizada ás 12:42
A Consellería de Cultura apoia con 200.000 euros a oito editoriais para a publicación en lingua galega de recursos didácticos. O Diario Oficial de Galicia (DOG) publicou a resolución de axudas para esta edición en galego de recursos didácticos curriculares para niveis non universitarios.
As editoriais beneficiarias son: Xerme Edicións, Edicións Obradoiro, Edicións Don Bosco-Editorial Rodeira (Edebé), Edicións Xerais de Galicia, Editorial Luís Vives, Editorial Vicens Vives, Happy Family e Instituto para o Desenvolvemento Creativo e Cultural.
Segundo informa o Goberno galego nun comunicado, esta orde de subvencións incrementa o seu orzamento nun 18% en comparación con anos anteriores. A convocatoria prioriza os materiais curriculares e complementarios de alumnos con necesidades específicas, así como os dirixidos á formación profesional específica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.