Rescatados dous sendeiristas perdidos en Esgos ao enviar a súa localización por Whatsapp

Dous senderistas que se perderon cando facían unha ruta en Esgos puideron ser localizados tras enviar as súas coordenadas a través da aplicación Whatsapp, informou o 112.

Os feitos producíronse este sábado, cando os dous senderistas saíron a facer unha ruta preto do Mosteiro de San Pedro de Rocas, na parroquia de Rocas. Saíron do carreiro e logo non foron quen de voltar ao mesmo, polo que se puxeron en contacto cos servizos de emerxencias ao redor das 20,45 horas.

A parella enviou as súas coordenadas ao 112, que pediu a intervención da Garda Civil e dos voluntarios de Protección Civil de Esgos. Poucos minutos despois das 22,00 horas, o equipo de voluntarios chegou ao lugar no que se atopaban os senderistas e confirmou que ambos se atopaban ben.

Teléfono móbil coa aplicación whatsapp