Por E.P. | SANTIAGO DE COMPOSTELA | 25/08/2020 | Actualizada ás 20:21
A explosión dun alambique este martes provocou queimaduras a unha veciña do municipio coruñés de Cambre, que necesitou ser evacuada a un centro hospitalario.
Segundo informa o 112 Galicia, barállase a hipótese de que "a acumulación de gases procedentes da fermentación fixo estourar o aparello" no soto da vivenda.
O suceso tivo lugar sobre as 13,30 horas no lugar de Gamelas. Familiares da muller deron a alerta ao 112 ante as feridas sufridas pola muller.
A explosión non provocou danos na estrutura do inmoble. Foron avisados, entre outros, 061, Bombeiros de Arteixo, Protección Civil, Policía Local e Garda Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.