Pecha a Torre de Hércules "por precaución" ata coñecer o resultado das PCR de dous traballadores

A Torre de Hércules e a Oficina de Información ao Turista de María Pita pecharán "por precaución" ata que se coñeza o resultado das probas que lles practicarán nas próximas horas a dous traballadores do monumento.

Segundo informa Turismo da Coruña, durante este venres estes dous traballadores presentaron síntomas e os sanitarios recomendáronlles practicar as probas PCR.

Así, o Consorcio de Turismo, o Concello da Coruña e Seguridade Cidadá optaron por pechar o monumento e a oficina de forma preventiva e por precaución para traballadores e visitantes.

Torre de Hércules. EUROPA PRESS - Arquivo