Por Europa Press / Redacción | SANTIAGO DE COMPOSTELA | 01/09/2020 | Actualizada ás 20:23
O Concello de Cedeira informou este martes de que o municipio rexistra un total de 22 casos activos de COVID-19, aínda que sen adscribilos a brotes concretos.
Así, segundo a información trasladada polas autoridades sanitarias ao consistorio, hai nestes momentos 22 persoas na localidade con positivo por coronavirus, dos que 17 son veciños e cinco son visitantes. Todos permanecen illados.
Por mor destas cifras, o concello emitiu a través das súas redes sociais unha mensaxe chamando a "extremar as medidas de hixiene e de seguridade", tales como o uso da máscara, a hixiene de mans ou a distancia social.
Hai pouco máis dunha semana, Cedeira rexistrou un brote familiar de COVID-19 que chegou a ter 10 casos activos. Tamén deron positivo tres traballadores do Hospital Arquitecto Marcide, en Ferrol, e varios participantes nun campamento de verán na veciña localidade de Cerdido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.