Por Galicia Confidencial | SANTIAGO DE COMPOSTELA | 02/09/2020 | Actualizada ás 11:54
Nova vaga de críticas ás palabras de Alberto Núñez Feijóo. Conforme se vai achegando o comezo do curso escolar máis cargado de incerteza que se lembra sobe o nivel de tensión entre docentes e Consellería de Educación. O primeiro atisbo dunha suba no ton dos profesores veu dada polo anuncio de folga para as xornadas 10 e 16 deste mes por parte dos sindicatos. Agora, a intervención de Núñez Feijóo na sesión de investidura do pasado martes vén de caldear os ánimos un chisco máis.
"Os docentes teñen que comezar o curso e cumprir como o resto de traballadores", apuntou o presidente da Xunta dende a tribuna do parlamento galego na entrada á súa cuarta lexislatura. "Cumprir como quen? Como o Goberno galego, que nos dá o protocolo dous días despois das eleccións tras múltiples reclamacións?" pregúntase Teresa López, docente integrada na plataforma Profesorado en pé. A súa non é a única mostra de rexeitamento que nas últimas horas agromou por parte da comunidade docente.
O señor #Feijóo pensa que os docentes somos unha panda de lacazás que non quere cumprir coas súas obrigas.#Folga10S pic.twitter.com/pJUFIKwui0
— Mª do Carme Fiaño (@carmefiano) September 1, 2020
Docentes, vagos. Que estivestes facendo dende marzo? Para aprender a traballar hai que ir a San Caetano. Dito por un Presidente que ou non ten coraxe ou lle faltan coñecementos para empregar as competencias que ten transferidas. pic.twitter.com/M89QoiPSdP
— Profesorado en pé (@ProfesoradoP) September 1, 2020
Xa á marxe das declaracións do presidente da Xunta, as redes foron tamén escenario nas últimas horas de docentes que lamentaron a escaseza de directrices oficiais de cara ó vindeiro ano lectivo; así como de críticas á actitude da Consellería de Educación cos equipos de profesores.
Hoxe empecei a traballar. Mañá teño os primeiros alumnos (para os exames de Probas Libres). Aínda non recibín ningunha indicación. Non se puxo en contacto comigo a Consellería para facer PCR, nin cousa parecida.
— O Manuel Esteban (@Manuel_Est_Dom) September 1, 2020
A sensación é de total abandono.
Imos aló.
Currahee!
Se nos centros de ensino se producen contaxios seguro que son na sala de profesores na hora do cafe. Xa volo dira o conselheiro de educación.
— O Fuco Pérez Sinsegundo (@FucoPerez) September 1, 2020
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.