O PP abandona unha discusión en Twitter polo Pazo de Meirás cando lle lembran as subvencións á Fundación Franco
"Non estaba na súa axenda política molestar á familia do Generalísimo", afeou un usuario. "Apuntáronse cando non lles quedaba máis remedio".
Por Galicia Confidencial | SANTIAGO DE COMPOSTELA | 03/09/2020 | Actualizada ás 13:48
Lea entre a conta oficial do PPdG e un tuiteiro a raíz do Pazo de Meirás. O histórico complexo sadense, que a familia do ditador terá que devolver ó Estado -no caso de que non progresen os seus recursos- foi na mañá deste xoves obxecto de discusión entre o tuiteiro O Vinculeiro e a conta oficial do Partido Popular.
O enfrontamento entre ambos, que se saldou coa conta do PP abandonando a discusión, comezou a raíz dun titular extraído da Cadena Ser a respecto dunhas declaracións de Núñez Feijóo.
#BorDías pic.twitter.com/XnZpY8RWY2
— O Vinculeiro🛰 (@VinculeiroO) September 3, 2020
Unhas horas máis tarde a conta oficial do Partido Popula respondía nestes termos ó tuiteiro, afeándolle nun ton retranqueiro que só amosa o titular da peza, omitindo o resto do texto.
Que mágoa que se che cortaran os parágrafos seguintes...
— PP de Galicia (@ppdegalicia) September 3, 2020
Que xusto sinalan que a vía que apuntou @FeijooGalicia e que acreditou a comisión de expertos creada pola Xunta foi a que permitiu a sentenza favorable. pic.twitter.com/g5qQIDU1Sx
A réplica do usuario non tardou en emerxer.
Non se motive señor CM. O @ppdegalicia a este tema chegou tarde, mal e arrastro. Non estaba na súa axenda política molestar á família do Generalísimo e nótase. Apuntáronse cando non lles quedou máis remedio. O q é miserable é q queiran arrogarse o éxito do q nunca promoveron...🤷🏻♂️ pic.twitter.com/J8IIQYb5a7
— O Vinculeiro🛰 (@VinculeiroO) September 3, 2020
Vai chegando así... ou queredes máis @ppdegalicia ? pic.twitter.com/Z8UHIcAJ3m
— O Vinculeiro🛰 (@VinculeiroO) September 3, 2020
Pouco despois as redes do Partido Popular defendéronse da puntualización aludindo á vía defendida por En Marea para a restitución do pazo ó erario público.
Precisamente a proposta de En Marea que pedía a expropiación implicaría pagar á familia do ditador. A vía que defendeu o PPdeG no Parlamento e a Xunta nos tribunais ten permitido o contrario... pic.twitter.com/nKgEsRW0ub
— PP de Galicia (@ppdegalicia) September 3, 2020
A última intervención, porén, veu da man de O Vinculeiro, que lembrou ó PPdG as subvencións outorgadas á principal fundación en honra ó ditador polo partido durante os anos de Aznar e Rajoy.
Explíqueme como pode dicir iso sen rirse alguén dun partido que subvenciona a Fundación Francisco Franco con diñeiro público ...🤷🏻♂️🤷🏻♂️ iso xa é unha indemnización “ en diferido” polos servizos prestados...🤷🏻♂️ pic.twitter.com/70PzD8JO2b
— O Vinculeiro🛰 (@VinculeiroO) September 3, 2020
