As novas prazas creadas en centros escolares ofertaranse en adxudicación para os destinos provisionais do día 10
Estas novas prazas, ademais terían a duración do curso académico na súa totalidade, e non estarían vinculadas especificamente ao contexto de alerta sanitaria debido á incidencia da COVID-19.
Por Europa Press / Redacción | SANTIAGO DE COMPOSTELA | 03/09/2020 | Actualizada ás 20:15
As novas medidas pactadas entre o Goberno central e as comunidades autónomas, que á súa vez levaron á Xunta a actualizar o protocolo de adaptación dos centros á situación sanitaria e a abrir a posibilidade de realizar novas contratacións de profesorado pola ampliación da distancia de seguridade entre alumnos na aula.
Estas novas vacantes produciríanse a partir de desdobres e axustes do cociente en cada centro, no caso de que o espazo físico dispoñible impida cumprir coas condicións e criterios establecidos para o inicio do curso ante a COVID-19.
Os sindicatos ANPE e FeSP-UGT remitiron un escrito á Dirección Xeral de Centros e Recursos Humanos para demandar que estes postos se incorporen "coa máxima celeridade" e previa á a adxudicación definitiva do CADP, a resolución de destinos provisionais.
O departamento dependente da Consellería de Educación confirmou non só que todas as prazas que xurdan a partir da aplicación das medidas sanitarias ofertaranse na adxudicación definitiva de destinos provisionais, prevista para o 10 de setembro, senón que "se fose necesario" esta demoraríase un ou dous días para garantir que se doten todas as vacantes.
Estas novas prazas, ademais terían a duración do curso académico na súa totalidade, e non estarían vinculadas especificamente ao contexto de alerta sanitaria debido á incidencia da COVID-19.
De momento non transcenderon os efectivos en concreto que se sumarán a maiores dos previstos, aínda que os sindicatos valoraron a aclaración trasladada polo departamento dirixido por José Manuel Pinal.
FeSP-UGT instou que esta dotación se aclare tanto no ámbito organizativo como de recursos humanos, no marco dunha mesa sectorial para abordar especificamente estas cuestións.
