Un incendio queima xa 20 hectáreas na Mezquita tras calcinar máis de 400 en Portugal

A Consellería do Medio Rural informou dun incendio forestal que permanece activo no municipio ourensán da Mezquita, e que, segundo as primeiras estimacións, queimou xa unhas 20 hectáreas.

En concreto, as chamas afectan á parroquia da Esculqueira e entraron en territorio galego sobre as 12,30 horas deste sábado procedentes dun incendio en Portugal no que xa arderon máis de 400 hectáreas.

Nos labores de estabilización e control deste lume participaron 10 axentes, 17 brigadas, nove motobombas, tres pas, 12 avións e nove helicópteros.

Incendio na Mezquita que procede doutro lume de Portugal | Fonte: Diario do Támega