Ferido de consideración por caer dun tellado sobre o que traballaba na Estrada

Un home resultou ferido de consideración tras caerse mentres trataba de facer unha reparación no tellado do seu domicilio, na Estrada.

Un particular alertou do ocorrido sobre as 18,00 horas e chamou ao 112 Galicia para pedir asistencia médica urxente para o ferido, que se encontra no lugar de Porto (na parroquia estradense de Berres).

Debido á gravidade das lesións, o paciente foi evacuado en helicóptero medicalizado con base en Santiago ata o centro hospitalario de referencia.

Para prestar apoio ao equipo médico e coordinar a aterraxe da aeronave, ao lugar dos feitos tamén acudiron os membros do GES da Estrada e os axentes da Policía Local.

Servizo de emerxencias 112