Os tres grupos parlamentarios solicitan a activación das comisións sobre igualdade, discapacidade e seguridade viaria

O tres grupos con representación na Cámara galega --PPdeG, BNG e PSdeG-- uníronse para dirixir tres escritos á Mesa do Parlamento nos que solicitan a activación de tres comisións non permanentes, encargadas de estudar cuestións de igualdade, discapacidade e seguridade viaria, que xa estaba a funcionar cando a convocatoria de eleccións do pasado 12 de xullo deu por finalizada a lexislatura.

Como é habitual, para a activación destes órganos non permanentes, os portavoces dos grupos --Pedro Puy (PP), Ana Pontón (BNG) e Gonzalo Caballero (PSdeG)-- asinan os correspondentes escritos de petición ante a Mesa, que agora terá que cualificar as solicitudes.

Cando se dea este paso, os portavoces terán que fixar os integrantes das mesmas e, a continuación, os grupos propor quen serán os representantes.

O seguinte paso será a constitución formal e os órganos empezarán xa a traballar de forma ordinaria.

Exterior do Parlamento de Galicia.. EUROPA PRESS - Arquivo