Feijóo fala de "normalidade" no inicio de curso e quere que a volta ás aulas sexa "un éxito"
Críticou o papel do Goberno central, a quen vinculou coa falta de "coordinación" para o conxunto de comunidades.
Por Europa Press / Redacción | SANTIAGO DE COMPOSTELA | 10/09/2020 | Actualizada ás 15:29
O presidente da Xunta, Alberto Núñez Feijóo, asegurou que o arranque do curso en Infantil, Primaria e Educación Especial, a pesar da folga convocada, "estivo dentro da normalidade", aínda que a situación na que se inicia é "absolutamente excepcional" a consecuencia da pandemia.
Neste escenario, Feijóo fixo un chamamento á "responsabilidade e ao compromiso" con todo o sistema sanitario -público, concertado e privado--. "É fundamental que a volta ás aulas sexa un éxito porque o necesitamos. Non podemos volver pechar todo o sistema en Galicia e en España", esgrimiu, nunha apelación aos distintos membros da comunidade educativa.
Crítico co papel do Goberno central, a quen vinculou coa falta de "coordinación" para o conxunto de comunidades, o presidente galego defendeu as medidas tomadas en Galicia e o reforzo do persoal ligado aos centros educativos. Aínda así, anticipou que a situación xerada obrigará a "improvisar" decisións en función do que vaia sucedendo.
