O Goberno suspende a regra de gasto para que os concellos usen o seu superávit

O Ministerio de Facenda decidiu suspender a regra de gasto da lei de estabilidade orzamentaria, de momento, para o ano 2020, para que os concellos poidan dispor do seu superávit dos anos 2018-2019, tal e como confirmou a ministra de Facenda e portavoz do Goberno, María Jesús Montero, en declaracións á Sexta.

O Goberno decidiu adoptar esta medida despois de que o Congreso tombase o pasado xoves o decreto lei que recollía o acordo coa Federación Española de Municipios e Provincias (FEMP) para a cesión ao Estado dos remanentes municipais.

A ministra de Facenda, María Jesús Montero, busca no seu bolso unha máscara | Fonte: Europa Press