Por Europa Press / Redacción | SANTIAGO DE COMPOSTELA | 14/09/2020 | Actualizada ás 21:38
O servizo de Urxencias Sanitarias de Galicia-061 asistiu durante o fin de semana a 77 persoas debido a 57 accidentes de tráfico ocorridos nas estradas galegas entre o mediodía do venres e a medianoite do domingo.
En concreto, a Central de Coordinación do 061 recibiu durante estes días 67 chamadas en relación con accidentes de tráfico, que xeraron 57 asistencias. O día con máis incidentes foi o sábado, con 25.
Por provincias, foi Pontevedra que rexistrou unha maior cifra de sinistros, 22, seguida da Coruña, con 14, e Lugo, con 13. Na provincia de Ourense tiveron lugar oito.
Os recursos sanitarios mobilizados para atender a estes accidentes foron 78. En concreto, as ambulancias asistenciais de soporte vital avanzado mobilizáronse en cinco ocasiones, o helicóptero medicalizado participou nunha asistencia, as ambulancias asistenciais de soporte vital básico foron requiridas en 63 ocasións e os equipos de Atención Primaria mobilizáronse oito veces. As ambulancias convencionais asistiron nunha ocasión.
En canto ás vítimas implicadas nestes accidentes de circulación, o 68% eran homes e o 42% do total tiña entre 20 e 34 anos.
En 64 casos, os feridos foron trasladados aos centros sanitarios de referencia, en 12 ocasións atendéuselles no propio lugar do incidente e unha persoa faleceu no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.