A Xunta busca ser "referente" captando fondos europeos con proxectos para a xestión da auga por case 700 millóns
A Consellería de Infraestruturas expúxolle aos representantes da Comisión Europea as prioridades de Galicia en materia de augas, "aliñadas coa loita contra o cambio climático ou a transformación dixital".
Por Europa Press / Redacción | SANTIAGO DE COMPOSTELA | 14/09/2020 | Actualizada ás 18:51
A conselleira de Infraestruturas e Mobilidade, Ethel Vázquez, destacou este luns que Galicia aspira a ser "de novo referente en fondos europeos con proxectos para unha xestión máis verde da auga por 675 millóns de euros".
Así o informa o departamento autonómico tras a reunión, por videconferencia, que tivo a conselleira coa directora de Calidade de Vida da Dirección Xeral de Medio Ambiente da Comisión Europea, Verónica Manfredi.
No encontro, organizado coa colaboración da Fundación Galicia Europa, tamén participaron o director xeral de Relacións Exteriores e coa UE, Jesús Gamallo; o secretario xeral técnico da Consellería de Infraestruturas e Mobilidade, Joaquín Macho, e a directora de Augas de Galicia, Teresa Gutiérrez.
Ethel Vázquez expúxolle aos representantes da Comisión Europea as prioridades de Galicia en materia de augas, "aliñadas coa loita contra o cambio climático ou a transformación dixital".
Trátase, explica a Consellería, da primeira das reunións previstas "para trasladarlles as necesidades estratéxicas de Galicia en materia de augas e mobilidade de cara á repartición do financiamento no próximo programa Feder e nos fondos de reconstrución tras a pandemia".
No encontro avaliáronse as iniciativas que poden resultar eligibles para a súa cofinanciamiento con cargo ao próximo programa operarivo Feder 21/27 e ao fondo de reconstrución Next Generation UE, creado a consecuencia da Covid-19.
