Máis presión para que haxa persoal de enfermaría nos centros escolares

Un total de 15 organizacións de pacientes adheríronse inicialmente á Plataforma Estatal de Enfermeira Escolar co obxectivo de sumar forzas para lograr que todos os centros educativos conten coa presenza de, polo menos, un enfermeiro que poida garantir a saúde e seguridade dos nenos e novos.

A Plataforma, integrada polo Sindicato de Enfermaría (Satse), o Foro Español de Pacientes (FEP) e o Sindicato Independente do Ensino Público (ANPE), conta agora coa adhesión inicial dunha quincena de organizacións de pacientes que velan polos intereses e dereitos de persoas afectadas por distintas enfermidades no conxunto do Estado.

En concreto, as organizacións adheridas son a Asociación Nacional de Persoas con Epilepsia; a Asociación Socio Sanitaria de Enfermidades Inflamatorias Intestinales y Ostomizados (ASSEII); a Asociación Española contra la Meningitis; Acción Psoriasis; a liga Reumatológica Española (LIRE), a Asociación contra Enfermedades Neuromusculares (ASEM Galicia) e a Asociación Incontinencia Anal (ASIA).

Tamén están a Asociación Lupus Málaga e Autoinmunes; a organización DEBRA Piel de mariposa; ABACCO, Asociación Balear de Crohn Colitis e Ostomizados; o Instituto de Investigación e Desenvolvemento Social de Enfermedades Poco Frecuentes (INDEPF); a Asociación de Afectados de Urticaria Crónica (AAUC), a Coordinadora Española de Asociacións de Espondiloaritritis (CEADE) e á Asociación de Enfermos de Hidrosadenitis (ASENDHI).

Todas estas organizacións de pacientes participarán e colaborarán nas actividades a desenvolver pola Plataforma Estatal de Enfermeira Escolar encamiñadas a asegurar a presenza das enfermeiras e enfermeiros en todos os centros educativos, ao considerar que o seu labor resulta "imprescindible" en materia de atención, prevención, formación e fomento de hábitos de vida saudables de face mellorar a saúde e calidade de vida actual e futura dos nenos e novos.

Cris Pérez, no seu traballo como enfermeira. EFE