Navantia Fene estiba a primeira plataforma para o maior parque eólico mariño do mundo

O buque 'Fjord' será o encargado de transportar a estrutura ata o porto de Róterdan (Holanda).

Por E.P. | SANTIAGO DE COMPOSTELA | 22/09/2020 | Actualizada ás 11:15

Comparte esta noticia

As instalacións de Navantia Fene acollerán desde este martes, 22 de setembro, os traballos para estibar a primeira das plataformas flotantes que o estaleiro de Perlío realizou para o proxecto 'Kinkardine', que se situará a 15 quilómetros da costa de Aberdeen, en Escocia.

Para iso xa está nun dos peiraos da antiga Astano o buque semisumerxible 'Fjord', que portará sobre a súa cuberta esta estrutura realizada grazas á Unión Temporal de Empresas (UTE) formada por Navantia e a asturiana Windar Renovables, por encargo do grupo español Cobra.

Esta estrutura viaxará ata Róterdan (Holanda) e alí colocaráselle o fuste e un aeroxerador de 9,6 Megawatts (MW) da compañía Vestas, de orixe danesa. Posteriormente farase a mesma manobra coas outras tres estruturas flotantes.

CATRO UNIDADES

Das catro unidades que está previsto acometer nas instalacións de Fene tres delas están practicamente finalizadas, mentres que a última aínda se atopa nunha fase de execución de aproximadamente o 50%.

Unha vez entre en funcionamento este será o parque eólico flotante máis grande do mundo, cunha potencia de 50 MW.

Estruturas flotantes nas instalacións de Navantia Fene.. NAVANTIA
Estruturas flotantes nas instalacións de Navantia Fene.. NAVANTIA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta