Caen dunha ponte desde unha autovía e resultan ilesos
Os feitos tiveron lugar na autovía en Barbadás.
Por Europa Press / Redacción | SANTIAGO DE COMPOSTELA | 22/09/2020 | Actualizada ás 11:19
Os dous ocupantes dun vehículo que caeu desde a ponte da autovía en Barbadás (Ourense) resultaron ilesos a pesar do impacto, segundo informou o 112, aínda que serán sometidas a un recoñecemento médico.
Os dous ocupantes, unha muller e un menor, puideron saír do vehículo sen a necesidade dos medios de excarceración, e están en bo estado. Segundo relata o 112, a situación causou asombro das persoas que presenciaron o accidente, que chamaron ao 112 Galicia para pedir asistencia urxente cando se aproximaban as 9,00 horas deste martes. Todas coincidían en sinalar que o vehículo caeu desde a ponte da autovía a un parque situado na Avenida de Celanova, en Barbadás.
O persoal do 112 avisou aos profesionais de Urxencias Sanitarias de Galicia-061, así como aos Bombeiros de San Cibrao das Viñas e aos membros do GES de Pereiro de Aguiar.
Tamén foron informados os axentes da Garda Civil de Tráfico e os axentes da Policía Local, quen confirmaron que as ocupantes, unha muller e un menor, estaban fóra do coche e en bo estado a falta de ser sometidos a un recoñecemento médico.
