Un cidadán romanés entregase á Garda Civil tras confersar que matou ao seu irmá en Oroso

A vítima chegara de Romanía a Galicia este pasado luns.

Por Europa Press / Redacción | SANTIAGO DE COMPOSTELA | 22/09/2020 | Actualizada ás 12:14

Comparte esta noticia

A Garda Civil detivo a un cidadán romanés que se entregou na mañá deste martes na localidade de Sigüeiro, no municipio coruñés de Oroso, e confesou matar ao seu irmán, que chegara o luns de Romanía.

Segundo informaron a Europa Press fontes próximas á investigación, o presunto autor do crime entregouse sobre as 10,00 horas deste martes fronte ao xulgado de paz de Sigüeiro, onde asegurou que matara ao seu irmán a unha patrulla da Garda Civil.

Detido
Detido | Fonte: GARDA CIVIL

A Policía Xudicial da Garda Civil abriu unha investigación sobre os feitos que supostamente sucederon entre a noite do luns e a mañá deste martes. O crime produciuse con arma branca, coa que degolou á vítima.

O home detido, C.G., de 58 anos, confesou a unha patrulla, ensanguentado, que matara ao seu irmán cando se atopaban ebrios os dous e indicou que a vítima chegara o luns de Romanía, ratificaron fontes próximas á investigación. Posteriormente, axentes desprazados á vivenda onde sucederon os feitos acharon o corpo da vítima. O detido en relación con este crime permanece detido no Cuartel de Sigüeiro.

A subdelegada do Goberno na Coruña, Pilar López-Rioboo, estimou que "pouca investigación" resta en relación á morte do home. En declaracións na Cadena Ser recollidas por Europa Press, a subdelegada ratificou que "o autor confeso está detido e será posto a disposición xudicial".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta