Pechada de novo a investigación do accidente de Angrois co maquinista e o exdirector de seguridade de Adif como imputados

Enfróntanse a 88 delitos de homicidio por imprudencia profesional grave e de 144 de lesións.

Por Europa Press / Redacción | Santiago de Compostela | 22/09/2020 | Actualizada ás 17:37

Comparte esta noticia

O xulgado de instrución número 3 de Santiago pechou de novo a investigación do accidente do tren Alvia ocorrido o 24 de xullo de 2013 no barrio compostelán de Angrois. O seu titular, Andrés Lago, mantén que a causa se siga contra o maquinista e contra o director de seguridade na circulación de Adif no momento da posta en funcionamento da liña, por se os feitos que se lles imputan fosen constitutivos de 88 delitos de homicidio por imprudencia profesional grave e de 144 de lesións.

Membros da plataforma de vítimas do accidente do tren Alvia na curva de Angrois (Santiago de Compostela), ocorrido o 24 de xullo de 2013, concéntranse con pancartas de protesta
Membros da plataforma de vítimas do accidente do tren Alvia na curva de Angrois (Santiago de Compostela), ocorrido o 24 de xullo de 2013, concéntranse con pancartas de protesta | Fonte: Ricardo Rubio - Europa Press.

O instrutor acorda, no auto notificado este martes, que se dea traslado a Fiscalía e, no seu caso, ás acusacións particulares, para que en 10 días formulen escrito de acusación "solicitando a apertura de xuízo oral ou o sobresemento da causa", informan fontes do Tribunal Superior de Xustiza de Galicia (TSXG).

Pero apunta que "excepcionalmente" poderán solicitar a práctica de dilixencias complementarias que se consideren "imprescindibles" para formular a acusación.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta