Por E.P. | SANTIAGO DE COMPOSTELA | 23/09/2020 | Actualizada ás 10:50
O autor confeso da morte do seu irmán nunha vivenda da localidade de Sigüeiro, no municipio coruñés de Oroso, permanece detido á espera de pasar a disposición xudicial.
Segundo informaron fontes xudiciais, non está previsto que o detido pase este mércores a disposición do Xulgado de Instrución número 2 de Ordes, en funcións de garda. Este martes a Garda Civil detivo a un cidadán romanés que se entregou na mañá desa mesma xornada na localidade de Sigüeiro e confesou matar ao seu irmán, que chegara o luns de Romanía.
Posteriormente, axentes desprazados á vivenda onde sucederon os feitos acharon o corpo da vítima. O detido en relación con este crime permanece detido no cuartel da Comandancia da Garda Civil na Coruña á espera de pasar a disposición xudicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.