Revelado o patrimonio do Arcebispado de Santiago: case 7.000 bens por 300 millóns de euros

Co ánimo de mellorar a "transparencia" da institucion, a arquidiocese presenta o seu primeiro estudo de impacto económico

Por Europa Press / Redacción | SANTIAGO DE COMPOSTELA | 23/09/2020 | Actualizada ás 16:03

Comparte esta noticia

O Arcebispado de Santiago conta cun patrimonio de 6.847 bens que suman un valor de máis de 300 millóns de euros, segundo o estudo de impacto económico elaborado por un equipo da Universidade de Santiago de Compostela (USC).

As conclusións deste estudo, o primeiro que se realiza sobre a arquidiocese santiaguesa, foron presentadas este mércores nunha rolda de prensa na que o arcebispado compostelán, Julián Barrio, estivo acompañado polo ecónomo da institución, Fernando Barros, e o profesor Xosé Antón Rodríguez, director do grupo responsable do traballo.

Segundo o estudo, o arcebispado inviste na sociedade 1,52 euros do que ingresa, procedente nun 36,7 por cento das doazóns e achegas dos fieis lle, un apartado que se viu minguado pola pandemia, o que obrigou a reducir en 5 millóns o orzamento anual da arquidiocese (inicialmente eran 25 millóns).

O capítulo de gastos da entidade eclesiásitca concéntrase principalmente na acción pastoral asistencial e nas retribucións do clero e o persoal seglar, que concentran o 32 por cento, respectivamente, do desembolso anual que fai a institución que encabeza Julián Barrio, quen destacou a vontade da arquidiocese de fomentar a "transparencia".

PATRIMONIO

Así as cousas, segundo datos do Catastro de 2020, o Arcebispado ten en propiedade un total de 6.847 bens que suman un valor de máis de 300 millóns de euros e repártense case a partes iguais entre rústicos e urbanos. Dos urbanos, case a metade dedícanse a usos relixiosos, mentres que o 96% dos rústicos son para fins agrarios.

Ademais, 64 dos inmobles que pertencen ao patrimionio da arquidiocese teñen a consideración de Ben de Interese Cultural (BIC). Destaca a Catedral e o centro histórico de Santiago, declarados como Patrimonio da Humanidade pola Unesco e que conforman, para os encargados do estudo, "un conglomerado cultural e relixioso de primeiro nivel mundial".

De feito, o traballo tamén mide o impacto da diocese nas redes sociais, onde destacan as fotografías que se soben á rede e que teñen como pano de fondo ou protagonista o tempo compostelán ou as súas inmediacións.

A Praza do Obradoiro, coa Catedral de Santiago de Compostela, a inicios do mes de xullo.. EUROPA PRESS - Arquivo
A Praza do Obradoiro, coa Catedral de Santiago de Compostela, a inicios do mes de xullo.. EUROPA PRESS - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta