Por E.P. | SANTIAGO DE COMPOSTELA | 23/09/2020 | Actualizada ás 17:57
O Colexio oficial de Farmacéuticos de Ourense (COFO) decidiu secundar unha iniciativa promovida polo Consello Xeral de Colexios Farmacéuticos de España con motivo do Día Mundial do Farmacéutico, que se celebra o próximo día 25, polo que na noite deste xoves a ponte romana tinguirase de verde.
Segundo informou a entidade colexial, a acción 'A farmacia ilumina a cidade' propón iluminar de verde (a cor representativa do colectivo) os monumentos máis significativos de España e, na cidade das Burgas, o punto elixido será a ponte romana.
Deste xeito, durante a noite do 24 ao 25 de setembro, este monumento, explicou a entidade colexial, "será iluminado cunha potente luz verde para pór en valor o traballo que o noso colectivo realizou durante a pandemia", sinalou o presidente do COFO, Santiago Leis Vence.
A lema elixido pola Federación Internacional Farmacéutica (FIP), como impulsora da celebración do Día Internacional da Farmacia, foi este ano 'Transformando a saúde global'. Con el, indicaron, queren "destacar o papel crucial" que os farmacéuticos desempeñan na transformación da saúde "desde todos o ámbitos profesionais" nos que exercen, destaca Leis Vence.
Este ano, de maneira especial, "a FIP quere destacar o importante labor da profesión farmacéutica durante a pandemia tanto para deter a súa propagación como para garantir sempre o acceso aos medicamentos", abundou o presidente do Colexio de Farmacéuticos de Ourense.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.