Por E.P. | SANTIAGO DE COMPOSTELA | 24/09/2020 | Actualizada ás 10:14
Un menor foi evacuado a un centro hospitalario ao resultar ferido na noite deste pasado mércores despois de chocar a bicicleta na que circulaba e un turismo no municipio de Valga.
Segundo informou o 112 Galicia, o choque entre a bicicleta e o turismo causou lesións de diversa consideración ao ciclista, un menor, que foi trasladado ao Hospital Clínico de Santiago de Compostela.
O 112 Galicia tivo constancia de deste sinistro ás 21,15 horas deste mércores a través da chamada dunha persoa particular que situou o accidente na N550, á altura da Igrexa de Setecoros, en Valga.
Ata o lugar desprazáronse profesionais de Urxencias Sanitarias de Galicia-061, así como axentes da Garda Civil de Tráfico e membros do GES de Padrón.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.