A Deputación de Pontevedra inviste 200.000 euros para a corta de árbores nas marxes das estradas provinciais
A deputación tamén actuará sobre os camiños de servizo, ligazóns, cruces, variantes e "calquera outro terreo que integren o dominio público adscrito a estas vías".
Por E.P. | SANTIAGO DE COMPOSTELA | 27/09/2020 | Actualizada ás 19:23
A Deputación de Pontevedra destina máis de 200.000 euros para cortar árbores nas marxes de estradas provinciais, unha actuación coa que se pretende reducir o impacto dos incendios forestais.
Segundo informa o ente provincial, este servizo contratarase para o ano 2021 dividida por zonas de actuación (norte, centro e sur da provincia).
Ademais das estradas provinciais, a deputación tamén actuará sobre os camiños de servizo, ligazóns, cruces, variantes e "calquera outro terreo que integren o dominio público adscrito a estas vías".
Así mesmo, o ente provincial se reserva a posibilidade de realizar tallas puntuais de arboledo que non se atope en dominio público cando "ameace a seguridade viaria e o titular da parcela onde se sitúe non atenda os requirimentos".
"Habería un risco serio e poderiamos actuar, o contrato contempla todas as posibilidades", sinalou a presidenta provincial, Carmela Silva, que incidiu en que esta actuación é "unha das grandes demandas da xente, que as marxes dos viarios estean en boas condicións".
