Un estudo de fisioterapeutas destaca que 9 de cada 10 galegos sofre dores musculares de forma regular

Nove de cada dez galegos sofre dores musculares de forma regular e tres de cada catro perciben o seu traballo como un factor de risco na aparición dos problemas musculares, sendo a dor de costas (86%) e o de pescozo (49%) as principais molestias.

Así se reflicte no I Estudo Fisiocrem-Asociación Española de Fisioterapeutas (AEF) sobre 'Saúde muscular en España', no que se indica que pasar longos períodos de tempo sentado fronte ao computador (81%), os episodios de tensións (65%), e as malas posturas ao durmir (64%) "son o tres principais causas vinculadas á aparición das molestias e dores musculares en Galicia".

Séguenlle as cargas excesivas de peso (58%) e os extensos períodos de pé sen descanso (52%). "Accións que repetimos de forma continuada no noso día a día sen darnos conta e que son as responsables, en gran medida, de que un 96% dos galegos afirme padecer molestias e dores musculares de forma regular", sublíñase no informe.

O estudo sinala tamén que tres de cada catro galegos apuntan á súa actividade profesional como un factor de risco na aparición de dores musculares, coa dor de costas (86%) e a dor de pescozo (49%) como os máis habituais.

Unha percepción que se intensifica nos colectivos profesionais pertencentes ao sector primario, construción, industria manufacturera, corpos de seguridade, persoal de servizo doméstico, explícase no documento, "Dores ou molestias que a un 45% dos galegos poden chegar mesmo a afectar a súa calidade de vida (23%) ou se verse obrigado a cambiar a súa rutina pola dor (22%)", abunda.

Con todo, a pesar destes datos e de que o 90% dos enquisados cre que é necesario coidar a saúde muscular, "só un 67% vai regularmente ao fisioterapeuta, sendo os galegos entre 35 e 49 anos os que máis o fan", indícase no estudo.

Cada galego que padece molestias ou dores musculares experimenta de media máis de dous síntomas distintos, sendo os máis comúns a dificultade para atopar a postura de descanso adecuada (61%), o cansazo (54%), as alteracións no estado de ánimo (33%), a rixidez (31%) e as jaquecas (24%).

"O estudo impulsado por Fisiocrem e a AEF busca ofrecer unha radiografía sobre a saúde muscular dos españois co obxectivo de concienciar á poboación sobre a importancia de previr e tratar este tipo de molestias que poden afectar ao noso día a día", explica a director da área Consumer Health de Uriach, Javier Navarro.