Por Galicia Confidencial | SANTIAGO DE COMPOSTELA | 01/10/2020 | Actualizada ás 09:00
129.000. Ese é o número de habitantes de Galicia que, ata o momento, carecen de acceso a unha conexión wifi de banda ancha. Son datos recollidos polo Ministerio de Asuntos Económicos que dan mostra dunha problemática clara: case o 5% dos galegos segue "desconectado", en palabras da compañía de telecomunicacións Eurona.
A cifra, pese a non situarse entre as peores do Estado -Extremadura e Castela a Mancha rozan a decena- si ameaza con supoñer un problema de cara a unha posibilidade que está a coller forza: que a educación regresara á modalidade telemática. Xusto na xornada en que se vén de rexistrar o maior gromo nunha soa clase, nun centro de Ourense, a evidente desconexión do alumnado rural supón un problema que xa foi denunciado nos meses do confinamento.
Sindicatos e Anpas criticaron entón que a Xunta non se implicara para reverter as desigualdades que estaban a xurdir entre, principalmente, o alumnado das zonas urbanas e o rural. Segundo datos do Ministerio, a "desconexión" das zonas rurais de todo o Estado acada proporcións do 13%, unha circunstancia que, vencellada á habitual inestabilidade da liña, pode dificultar o seguimento das clases.
DESIGULADADE ENTRE ALUMNOS
Ante estas circunstancias, o executivo galego optou por centrar os seus esforzos no reparto de ordenadores portátiles que, en certos casos, foron acompañados de dispositivos para garantir a rede wifi. Con todo, os datos do Ministerio dan proba dunha problemática que segue presente no conxunto da sociedade, afectando especialmente ó colecido estudantil. A cifra atópase por riba dos datos de Madrid e Euskadi pero é mellor que no caso de Cataluña (6'4%) e Asturias (5'5%).
O docente Javier Gómez, de Profesorado en Pé, resumía o problema da desconexión aludindo a dúas desigualdaes diferenciadas. “Por unha banda están os miles de alumnos do rural, que por motivos de localización non teñen acceso a internet ou só poden navegar de xeito precario. Pero tamén temos que ter en conta ó alumnado con dificultades socioeconómicas”, destacaba en relación a unha “fenda” apreciabñe “de xeito claro” no nivel de seguimento das actividades. “Vese a diferenza entre os rapaces con familias cunha boa posición e os non o teñen tan fácil”, puntualizou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.