Benvido ó circo

Desta maneira saudaron os polpulares ó concelleiro que sustituiu ó reponsabel de cultura no pleno da semana pasada.

Por Manuel H. Iglesias | Ourense | 03/10/2020

Comparte esta noticia
O asunto é que a frase non ten desperdicio, pois sinala claramente que, a día de hoxe, o que acontece na corporación local ten unha grande  semellanza  a dun espectáculo circense un tanto chocalleiro que nos leva visualizar unha representación do  esperpento Valleinclanesco. Con todo,  o máis tristeiro desta cuestión é que, quen dixo esta frase pertenceu ó grupo de goberno  e, polo tanto, ó partido que pactou hai un ano e pico  con Jácome. E, a día de hoxe,  por vontade dos  cidadáns, é o grupo que ten nas súas máns desbancar ó alcalde da poltrona municipal.
 
Os ourensás vivimos dende hai un tempo un desacougo e un despretíxio da  vida politica  do concello.  Pois a día de hoxe  hai grupos que, por mor de non perder parte do poder, prefiren que o circo se manteña  no tempo, aínda que sexa a custo  do debilitamento da isntitución e da inexistencia de goberno. 
 
O triunvirato que se atrincherou no poder soamente pensa no seu salario e vive   aferrado a poltrona camiñando con respiración asistida. Polo que hai que  porlle solución  a un grave porblema presentando unhas moción de censura coa suma  dos votos da forza máis votada.  Por eso, mentres os populares  non asinen co grupo maioritario a mentada  moción que poña na alacaldía á lista máis votada, seguiremos tendo circo ou comedia  cos tres divos desafinando e enlamando o nome da cidade. Ben é verdade que parece que as conversas comezaron e hai que esperar  pra ver en que rematan.
 
Ourense cidade e provincia camiñan neste mundo  cara a desetización en todos os  parámetros sociais. Na polítca a ética xa finou hai moito tempo. Así  cidade e provincia  camiñan cara o  desprestíxio institucional e naide se dá por enterado. Todas as forzas vivas amosanse pasivas e viven no eterno silencio como si non existira o problema. Ou sexa:  nin están nin se lles espera. 
 
Benvido ó circo señor concelleiro. Benvido a ise espectáculo bufo  onde xa non queda vergoña e os artistas soamente pensan en salvar o seu pelexo. E mentres, todos os ourensás, diante iste espectáculo,  non pasamos da crítica na casa ou nalgún bar, e escoitamos esas voces rancias que din: Todos che son iguais, tratando de calmar o cabreo. Mais caendo na rateira de mesturar e enmerdar todo, cando sabemos que a culpa de ter que aturar esta situación é soamente dos populares, e por extensión da  inxenuidade de moitos votantes. De pena.
 

Gonzalo Pérez Jácome nunha composición con Jennifer López publicada pola Región
Gonzalo Pérez Jácome nunha composición con Jennifer López publicada pola Región
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Manuel Herminio Iglesias Natural de Seixalbo, concello de Ourense 1949. Diplomado en Maxisterio (Ciencia Humanas) e Música. Comprometido coa labor social, cultural e política, fundou diversas asociacións. Foi, dende xuño do 2009 ate xuño de 2011 concelleiro de Infraestruturas, Mobilidade e Perímetro Rural no concello de Ourense. Preside dende o ano 1997 a Asociación Cultural Agromadas. www seixalbo.com