A Xunta amplía a alerta laranxa por temporal costeiro a todo o litoral galego
Por E.P. | SANTIAGO DE COMPOSTELA | 02/10/2020 | Actualizada ás 10:54
A Dirección Xeral de Emerxencias e Interior da Vicepresidencia Primeira da Xunta ampliou a alerta laranxa por temporal costeiro a todo o litoral galego.
Segundo informou a Xunta, a Axencia Estatal de Meteoroloxía (Aemet) avisou de que o fenómeno meteorolóxico adverso costeiro comezou a primeiras horas da mañá deste venres na provincia da Coruña, para estenderse a partir do mediodía ás costas de Lugo e Pontevedra. Espérase mar combinado do noroeste con ondas de ata sete metros.
Por este motivo, co fin de garantir a seguridade dos bens e as persoas, a Dirección Xeral de Emerxencias e Interior, a través do 112, informou da situación aos concellos das provincias afectadas, deputacións, servizos provinciais e agrupacións de voluntarios de Protección Civil e aos clubs náuticos, entre outros.
A Xunta lembra a importancia de manterse afastados da liña de costa, de diques, rompientes, espigóns, peiraos, praias, paseos marítimos e todas aquelas zonas que poidan ser varridas polo mar, co fin de previr un eventual golpe de mar que poida arrastrar persoas ou obxectos.
