A Deputación da Coruña presenta as dúas obras gañadoras do Premio Torrente Ballester

A Deputación da Coruña presentou este venres, nun acto na institución provincial, as dúas obras gañadoras do Premio Torrente Ballester.

Na longa historia destes premios, que se iniciou en 1989, só a pasada edición as obras gañadoras foron dúas: Antón Riveiro Coello con 'O paraíso dos inocentes' e Alex Alonso con 'Granito'.

Á presentación, asistiron os autores e os directores das dúas editoriais, Edicións Xerais e Editorial Galaxia, onde se publican, ademais do deputado de Cultura, Xurxo Couto.

Na súa intervención, Xurxo Couto destacou a "alta calidade" das dúas obras. "Temos a fortuna de contar con dous grandes autores que nos achegan dous universos moi distantes e que poden presumir de manexar con destreza o relato dos acontecementos", destacou.

A Deputación da Coruña presenta as dúas obras gañadoras do Premio Torrente Ballester.