A nova responsable de Organización de Cidadáns en Galicia apela a "pór en valor" o papel dos afiliados

A nova responsable de Organización de Cidadáns Galicia, Olga Louzao, apelou a "pór en valor a importancia que teñen para Ciudadanos os afiliados". Así o asegurou tras participar o xoves no encontro dos responsables autonómicos desta área co vicesecretario primeiro, Carlos Cadrado; o vicesecretario adxunto, José María Espello-Saavedra, e o secretario de Organización nacional, Borja García, no que se estableceron as liñas xerais de funcionamento e posta en marcha.

Louzao mostrouse convencida de que a participación activa de todos os afiliados "vai ser un motor esencial para lograr que tanto os galegos como o resto de españois sigan vendo en Ciudadanos o partido útil e moderado que necesitamos para afrontar esta difícil situación económica e social que está a xerar a pandemia".

A nova responsable de Organización sinalou que este encontro serviu para establecer as bases de traballo nos próximos anos. "Temos un proxecto claro e poremos en valor a participación dos nosos afiliados para demostrar que Cs é un partido de centro".