Por Europa Press / Redacción | SANTIAGO DE COMPOSTELA | 21/10/2020 | Actualizada ás 14:17
O Parlamento de Galicia, por unanimidade dos tres grupos (PPdeG, BNG e PSdeG), acordou reclamar ao Goberno central que os servizos ferroviarios eliminados pola caída da demanda durante o estado de alarma derivado da pandemia sexan restablecidos e que, ademais, Renfe incremente os persoais para velar pola "calidade" e a "seguridade" dos viaxeiros nestes trens.
Así figura na proposición non de lei aprobada no pleno que este mércores acolle o Pazo do Hórreo, onde os grupos chegaron a acordos para transaccionar dúas iniciativas presentadas por PP e BNG sobre a restitución de servizos.
Deste xeito, a Cámara, con todo votos a favor, deu luz verde a un texto no que, ademais de solicitar que se restablezan as conexións interiores e exteriores de Galicia por tren que foron suspendidas pola pandemia, leve a cabo un plan para dotar do persoal necesario aos servizos.
Así mesmo, o acordo tamén solicita ao Goberno central a posta en marcha dun plan extraordinario de investimento para a "mellora e modernización" das liñas ferroviarias galegas e que contemple a execución de infraestruturas pendentes como a conexión entre Vigo e O Porto, entre outras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.