Sanidade xustifica as restricións en Santiago pola "evolución negativa" e "casos diarios de modo continuo"

Destaca que a incidencia na comarca "segue en aumento", en especial en Compostela e Ames que requiren medidas de modo "máis estrito".

Por E.P. | Santiago de Compostela | 22/10/2020 | Actualizada ás 12:53

Comparte esta noticia

A Consellería de Sanidade xustifica as restricións en Santiago de Compostela --onde as reunións de persoas están limitadas só a convivientes desde este xoves-- por "evolucionar claramente en sentido negativo" a situación epidemiolóxica pola Covid-19 e ter "casos diarios de modo continuo".

Así consta nunha orde publicada no Diario Oficial de Galicia (DOG) na noite deste mércores, recollida por Europa Press, na que Sanidade destaca que a "taxa de incidencia na comarca segue en aumento" e "é especialmente destacable nos concellos de Santiago e Ames", onde a 14 días "é superior á observada para Galicia".

Ademais, nestes dous municipios, destaca Sanidade, "seguen aparecendo casos diarios de modo continuo" e a estimación puntual do número reprodutivo instantáneo indica que "existe unha transmisión que pode ser relevante".

No caso concreto sobre o "brote de Santiago", a Consellería subliña que evoluciona "claramente en sentido negativo, xa que a incidencia segue aumentando desde o último informe". "Este brote segue tendo características de alto risco como é a taxa de incidencia nos últimos tres días, a cal aumentou considerablemente con respecto ao informe anterior, ou o número de contactos con PCR positiva relacionados cun caso".

Deste xeito, sinala que os datos de incidencia observados en Ames e en Santiago, xunto co feito de que os indicadores se manteñen en niveis de risco alto e medio, fan preciso actuar dun modo máis estrito en canto a restricións refírese", xa que as medidas postas en marcha ata agora "non conseguiron frear o aumento da incidencia".

A Praza do Obradoiro, coa Catedral de Santiago de Compostela, a inicios do mes de xullo.. EUROPA PRESS - Arquivo
A Praza do Obradoiro, coa Catedral de Santiago de Compostela, a inicios do mes de xullo.. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta