Lucía Pérez, nova embaixadora do Camiño en Triacastela: "Levarei sempre o Camiño no meu corazón"
Por E.P. | LUGO | 25/10/2020 | Actualizada ás 20:35
A cantante Lucía Pérez foi nomeada este domingo nova embaixadora de Triacastela para a promoción do Camiño de Santiago ao seu paso polo municipio. "Levarei sempre o Camiño no meu corazón a todos os lugares que vaia a través da miña música e da miña persoa, e agora, por suposto, a Triacastela tamén", expresou.
Durante un acto no Concello no que participaron a alcaldesa, Olga Iglesias, e o delegado da Xunta en Lugo, Javier Arias, a artista rememorou os "40 días desde Roncesvalles" que lle levou a ruta xacobea.
Desde entón, confesou, "todo o que veña da man do Camiño para min é moi especial". Ademais, manifestou que lle fai "moi feliz" recibir a distinción de embaixadora de de unha localidade que considera "case como a súa casa".
