Renfe dá marcha atrás ós recortes e aumenta os servizos de media distancia en Galicia
A operadora recibiu duras críticas por reducir a frecuencia de moitos traxectos tralo verán.
Por E.P. | SANTIAGO DE COMPOSTELA | 27/10/2020 | Actualizada ás 10:25
Renfe aumentará a partir deste martes seis servizos diarios á oferta de media distancia que operan en Galicia, de modo que se amplía o Vigo-A Coruña a sábados e domingos e modifícanse os horarios dalgúns trens entre Ponferrada e Vigo.
Estes novos servizos son liña Vigo-Guixar e Santiago (saída 18:20 horas e chegada 19:56 horas), Santiago e Vigo-Guixar (saída ás 20:12 horas e chegada ás 21:41 horas), Santiago de Compostela e A Coruña (saída ás 23:10 horas e chegada ás 23:43 horas), A Coruña e Santiago (saída 22:15 horas e chegada 22:48 horas). Ourense e Lugo (saída 11,40 e chegada 13, 28 horas), e Lugo e Ourense (saída ás 15:00 horas e chegada ás 16:34 horas).
O tren con saída da Coruña ás 5:35 horas e chegada a Vigo-Guixar ás 7:41 horas, que circulaba de luns a venres, pasará a ser diario. Igualmente, o tren con saída de Vigo-Guixar ás 5:10 horas e chegada á estación da Coruña ás 7:25 horas, pasará a ser diario.Os sábados, domingos e festivos circularán soamente entre Santiago de Compostela e A Coruña.
Por outra banda, modifícase a oferta entre Ponferrada e Vigo, póndose en servizo o tren 12611 Ponferrada-Vigo, que sairá ás 6:15 horas e chegará ás 11:27 horas.En sentido inverso, o tren entre Vigo-Ponferrada partirá ás 14:35 horas e chegará ás 19:44 horas.
Esta reconfiguración realizarase a petición dos alcaldes da zona de Valdeorras, e con obxecto de chegar a Ourense ao redor das 9:00 horas. Así mesmo, permite abarcar o horario de mañá e de tarde punto a punto e non só de tarde como ocorría ata agora, indica a operadora, coincidindo no horario vespertino co Alvia entre Galicia e Cataluña que xa dá servizo á zona de Valdeorras
