Por Europa Press / Redacción | SANTIAGO DE COMPOSTELA | 28/10/2020 | Actualizada ás 13:56
O alcalde de Santiago, Xosé Sánchez Bugallo, cualfiicou de "impresentable" a pouca participación nos cribados voluntarios realizadas nalgunhas zonas da cidade, posto que á mostraxe realizada no Ensanche acudiu preto do 50 por cento dos convocados.
Neste sentido, apelou á responsabilidade dos veciños posto que algo máis do 1 por cento dos positivos detectados neste cribado "probablemente non o sabían e decatáronse grazas a estas probas". "É importante acudir porque podemos estar a contaxiar ás nosas familias, amigos, parellas e compañeiros, e se cadra sen sabelo".
Por outra banda, asegurou que respectará e cumprirá as instrucións do mando único para atallar a situación derivada da pandemia, aínda que iso implique un confinamento perimetral da propia capital galega. No entanto, o rexedor local apuntou que existe unha "certa estabilización" no número de casos activos por COVID-19, e que este mércores a cidade conta con 409, situándose en termos similares aos da xornada do domingo.
Bugallo remitiu, en todo caso, a unha reunión telemática que manterá este mesmo mércores co titular de Sanidade, Julio García Comesaña, xunto a outros alcaldes da área de influencia, na que escoitará "o que teña que dicir" para despois cumprir e "facer cumprir" as instrucións e medidas expostas pola administración.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.