Alumnado de Enfermaría da USC denuncia a precariedade dos estudantes que realizan o cribado COVID do Sergas
En concreto, critican que a Facultade de Enfermaría está a asumir todas as medidas de seguridade na realización do test serológicos en lugar do Sergas, que están a realizar os alumnos de 4º en horas de formación práctica.
Por Europa Press / Redacción | SANTIAGO DE COMPOSTELA | 29/10/2020 | Actualizada ás 20:17
A Asemblea Aberta de Enfermaría denunciou este xoves a situación e as condicións de precariedade que viven os alumnos encargados do cribado de COVID-19 nas universidades.
En concreto, critican que a Facultade de Enfermaría está a asumir todas as medidas de seguridade na realización do test serológicos en lugar do Sergas, que están a realizar os alumnos de 4º en horas de formación práctica.
Ademais, advirten de que se trate aos voluntarios que participan nos cribados como "man de obra barata", realizando tarefas que deberían "estar a facer enfermeiros titulados que están as súas casas esperando a ser chamados" para traballar.
Doutra banda, reclaman á USC que se poida cursar integramente as prácticas matriculadas para este curso, para poder contar cunha formación completa e tendo en conta que tiveron que sacrificar as súas horas para participar neste cribado.
