Por E.P. | Pontevedra | 31/10/2020 | Actualizada ás 20:00
O deputado do PSdeG-PSOE e vicepresidente da Comisión de Presupuestos del Congreso, Guillermo Meijón, e a senadora Marica Adrio aseguraron este sábado que os Presupuestos Generales del Estado (PGE) elaborados polo Goberno de Pedro Sánchez para 2021 recollen un "importante incremento" para a provincia de Pontevedra.
Así, o deputado suliñou que reflicten investimentos por valor de 211.195.300 euros para a provincia, o que supón “un incremento dun 30% con respecto aos orzamentos de 2018 (160.132.110 €) e aos orzamentos non-natos de 2019 (que consignaban 162.535.760 €)”.
Meijón destacou que “a esta cifra hai que sumarlle os 55 millóns de euros destinados á rebaixa de peaxes da AP-9: 50 millóns para bonificacións, 1.530.150 euros para a gratuidade do treito Vigo-Redondela e 3,4 millóns de euros orientados á supresión da subida anual acumulativa do 1%”.
“Un compromiso electoral do PSOE, feito realidade nas primeiras contas do seu mandato, que atalla o agravio que Galicia sofre coa AP-9 e que contrasta coas continuas promesas que Rajoy e Pastor dilataron eternamente no tempo e que nunca fixeron realidade”, afirmou o deputado socialista.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.