Un veciño de Rianxo remata con queimaduras graves polo incendio dunha caseta con utensilios de labranza
O home tivo que ser trasladado ó hospital en ambulancia.
Por Europa Press / Redacción | SANTIAGO DE COMPOSTELA | 01/11/2020 | Actualizada ás 13:45
Unha persoa necesitou atención médica tras sufrir importantes queimaduras no incendio dunha caseta na que gardaba utensilios de labranza, entre outros obxectos, en Rianxo (A Coruña).
Segundo informa o CIAE 112, o suceso ocorreu pasadas as 12,30 horas do mediodía deste domingo. Foi un particular o encargado de chamar á central de emercencias para alertar do incendio, ocorrido no lugar de Ou Bosque. Con estes datos, o 112 pasou o aviso aos bombeiros de Boiro, á Policía Local de Rianxo, á Garda Civil e a Protección Civil da localidade.
Nada máis chegar ao lugar do lume, estes efectivos solicitaron aos xestores do CIAE unha ambulancia de Urxencias Sanitarias-061, posto que unha persoa sufrira queimaduras importantes.
