Por Europa Press / Redacción | A CORUÑA | 02/11/2020 | Actualizada ás 18:19
A Comandancia da Garda Civil da Coruña establecerá un dispositivo de seguridade especial este martes con motivo do desenvolvemento da contrareloxo individual da Volta a España que discorrerá entre a localidade de Muros e o Miradoiro do Ézaro, segundo informa.
Este dispositivo composto por vehículos e efectivos do Subsector de Tráfico da Garda Civil da Coruña, das Unidades de seguridade cidadá da zona e da Unidade de Seguridade Cidadá (USECIC) da Comandancia da Coruña, ten como misión "colaborar coa Unidade de Mobilidade e Seguridade Viaria da Garda Civil que dá protección aos integrantes da Volta e coas policías locais dos concellos polos que discorrerá".
Á Unidade de Mobilidade e Seguridade Viaria da Volta composta por 130 efectivos, un helicóptero, 60 motocicletas, 13 vehículos todo Terreo, catro monovolume, un furgón taller, catro furgóns, dous autobuses, un camión cisterna e un turismo, sumaránselle 59 efectivos, 34 motocicletas e 12 vehículos todoterreo.
Sobre a Volta a España, a Deputación da Coruña destaca o feito de que as comarcas de Muros e da Costa da Morte "volvan ser protagonistas". "Un itinerario de 33,7 quilómetros que parte desde Muros, percorre a costa e termina co ascenso ao miradoiro do Monte Ézaro, en Dumbría".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.