Asinado un convenio entre a Fundación Emalcsa e Vegalsa para favorecer a cultura accesible e inclusiva

A alcaldesa e presidenta da Fundación Emalcsa, Inés Rey, e o director xeral de Vegalsa, Joaquín González Igrexas, asinaron un convenio para fomentar a cultura accesible e inclusiva.

Ao acto de sintura do contrato tamén asistiron a concelleira de Igualdade, Benestar Social e Participación, Yoya Neira; o director da Fundación Emalcsa, Manuel Aguilar, e a directora de Responsabilidade Social Corporativa de Vegalsa, Gabriela González.

A través deste programa, "preténdese lograr a igualdade de oportunidades no acceso á cultura na cidade da Coruña, así como romper as barreiras, especialmente das persoas con discapacidade, para a plena participación da cidadanía nestas actividades".

"O obxectivo é que as persoas con discapacidade poidan desenvolver e utilizar o seu potencial creativo, artístico e intelectual, non só no seu propio beneficio senón tamén para o enriquecemento da sociedade", sinala a rexedora sobre o contido do convenio.

A alcaldesa, Inés Rey, con máscara no primeiro pleno presencial tras declararse o estado de alarma. CONCELLO DA CORUÑA - Arquivo