Case 1.300 negativos no cribado de Muros e un único caso indeterminado

En total, acudiron ao centro de saúde 1.260 das 1.780 persoas citadas ao longo deste fin de semana e unhas 300 persoas do rango de idade ao que estaba dirixido o cribado non puideron ser localizadas.

Por Europa Press / Redacción | SANTIAGO DE COMPOSTELA | 02/11/2020 | Actualizada ás 19:52

Comparte esta noticia

A práctica totalidade das probas realizadas este fin de semana, como parte do cribado entre os veciños de Muros de 30 a 50 anos, deu negativa. Os datos facilitados polas autoridades sanitarias revelan un único caso indeterminado ao que se lle repetirá a PCR en próximos días.

A xerencia da área Sanitaria de Santiago de Compostela e O Barbanza informou a pasada semana do cribado, motivado polo incremento de casos nos que non é posible seguir a cadea epidemiolóxica.

En total, acudiron ao centro de saúde 1.260 das 1.780 persoas citadas ao longo deste fin de semana e unhas 300 persoas do rango de idade ao que estaba dirixido o cribado non puideron ser localizadas por non estar actualizados os seus datos sanitarios.

A inmensa maioría das probas deu negativo, unhas 1.259 persoas, engaden desde o Sergas. Na actualidade, a área de Santiago e Barbanza conta 1.360 casos activos --12 menos que este domingo--, e 78 pacientes con COVID-19 ingresados, 13 deles en UCI.

Inicia o cribado con mostras de saliva no persoal de centros sociosanitarios.. CONSELLERÍA DE SANIDADE
Inicia o cribado con mostras de saliva no persoal de centros sociosanitarios.. CONSELLERÍA DE SANIDADE

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta