Por Europa Press / Redacción | Santiago de Compostela | 03/11/2020 | Actualizada ás 20:16
A Plataforma Vía Galega, que está integrada por máis de 60 asociacións, puxo en marcha a campaña 'Galiza nación. Un pobo con dereitos', un proxecto que, en palabras do portavoz, Anxo Louzao, ten como obxectivo que se "asuma con naturalidade e consciencia a realidade obxectiva de que Galicia é unha nación".
"Galicia é unha nación con vontade de existir e de exercer como tal, como se recoñeceu oficialmente en 1933 no IX Congreso de Nacionalidades Europeas, adscrito á Sociedade de Nacións", sinalou Louzao, quen incidiu que, "como nación que somos, temos o dereito a decidir e a exercer o dereito de autodeterminación".
A campaña ten previstos actos, conferencias, debates e palestras na maioría de comarcas, como Compostela, Arzúa, Barbanza, A Coruña, Bergantiños, Ferrol, Lugo, A Mariña, Ourense, Pontevedra, O Salnés, A Estrada, Lalín, Vigo, O Morrazo e O Baixo Miño.
Esta campaña estenderase ata o próximo 18 de abril, para a cal os impulsores desta iniciativa pretenden convocar unha manifestación na capital galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.