Por Europa Press / Redacción | SANTIAGO DE COMPOSTELA | 04/11/2020 | Actualizada ás 14:24
A Deputación coruñesa destinará un montante de tres millóns de euros que se destinarán a axudas para o sector do comercio e a hostalaría nas grandes cidades debido ás consecuencias das restricións decretadas para frear a pandemia provocada pola COVID-19.
O presidente de entidade provincial, Valentín González Formoso, asegurou que se está adaptando o seu orzamento para lograr esta partida, co fin de dar cobertura e suplementar os plans municipais da Coruña, Santiago e Ferrol nese sentido.
Formoso reuniuse este mércores co alcalde ferrolán, Ángel Mato (PSOE), para abordar a posible colaboración da Deputación para destinar novas axudas a comerciantes e hostaleiros.
O pasado venres foi o propio rexedor o que se puxo en contacto coa institución provincial, cando se anunciaron as novas restricións. "Por iso xa estamos hoxe aquí", engadiu Formoso.
No caso concreto de Ferrol, González Formoso espera que a axuda da Deputación da Coruña "poida cubrir polo menos o 40% do plan que pretende pór en marcha o Concello".
Pola súa banda, o alcalde de Ferrol trasladou destinaranse "unha boa parte dos remanentes de tesouraría", superiores ao millón de euros.
"Pedimos axuda á Deputación da Coruña, para completar cos nosos fondos propios, e chegar así aos dous millóns de euros, para poder repartir así en diferentes tipos de axuda",
Os servizos económicos están a traballar na elaboración dunhas bases compatibles coas axudas que "xa se están repartindo", en alusión ás convocadas hai varios meses e que xa recibiron algúns autónomos e pequenas empresas.
Anxo Mato tamén reclamou á Xunta "axudas para estas persoas que o están pasando mal, cos seus negocios pechados ou sen apenas actividade".
"A Xunta ten que se consciente que hai algúns sectores que están afectados por estas restricións, que deberían de vir acompañadas dun esforzo económico para poder apoiar a estas persoas que tanto están a sufrir por esta situación allea a todos eles e por iso espero que nos próximos días teñamos datos sanitarios que permitan que a situación cambie".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.