Por E.P. | OURENSE | 04/11/2020 | Actualizada ás 19:29
A Policía Nacional detivo a un mozo de 26 anos --natural do Colombia-- como presunto autor de dous roubos en lavandarías de Ourense, das que levou 900 euros da máquina de cambio e unha aspiradora.
O martes, o administrador das lavandarías chamou á Policía Nacional mentres corría detrás do presunto ladrón ao observar como subtraía diñeiro dun establecemento.
Durante a persecución, o agora detido perdeu a súa carteira, o que serviu para ser identificado posteriormente. Foi localizado despois escondido no interior da caixa de carga dun camión estacionado na rúa.
Deste xeito, impútaselle a presunta autoría de dous roubos con forza en dúas lavandarías perpetrados os días 2 e 3 de novembro. Conta con sete detencións anteriores.
INTENTO DE ROUBO NUN BAR
Por outra banda, a Policía Nacional informou da detención dun home de 42 anos, natural da Rúa, polo intento de roubo nun bar na madrugada do mércores.
Tras unha chamada de alerta ás 2,30 horas da madrugada, o home foi localizado empolicado a unha escaleira cunha pedra envolta nunha camiseta na man. Tamén portaba unha mochila na que levaba unha tenaza, un desaparafusador e dúas púas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.