Galicia aproximase ao milleiro de falecidos tras nove novas mortes este mércores
Dous deles están vinculados a residencias.
Por Europa Press / Redacción | SANTIAGO DE COMPOSTELA | 04/11/2020 | Actualizada ás 21:04
Nove falecidos confirmados nas últimas horas elevan a 960 o total de mortes pola COVID-19 desde o inicio da pandemia na comunidade galega. Dous deles vinculados a casos en residencias de maiores, en concreto un home de 75 anos falecido no Complexo Hospitalario de Vigo e unha muller de 93 anos no Complexo Hospitalario Ourensán.
Estes casos procedían respectivamente da residencia Salvaterra do Miño e de residencia Nosa Señora dos Miragres de Barbadás. O resto de falecidos son un home de 70 anos ingresado no Complexo Hospitalario de Ferrol, unha muller de 81 anos no Chuvi, e catro ingresadas no CHUAC de 86, 101, 84 e 88 anos.
O último dos casos trasladados polas autoridades sanitarias é un home de 78 anos ingresado no Complexo Hospitalario Universitario de Santiago. Os nove presentaban patoloxías previas, segundo informa o Sergas.
Con estas nove vítimas, a Comunidade galega aproximase ao milleiro de mortos pola pandemia. Esta mesma semana, o luns, rexistrouse o maior número de mortes por coronavirus nesta segunda onda da pandemia e con cifras que se remontan a principios do mes de abril.
