O vento superou o 110 km/h en Vimianzo nun domingo de temporal con máis de 40 litros por metro cadrado en Fornelos
Por E.P. | Santiago de Compostela | 08/11/2020 | Actualizada ás 19:59
Galicia viviu este domingo unha xornada de temporal de choiva e vento que mantivo en aviso amarelo a parte do litoral e puntos do interior ata entrada a tarde.
Así, alcanzáronse os 110 quilómetros hora en Vimianzo, refacho máximo da xornada captada polos medidores de Meteogalicia ás 05,00 horas da madrugada do domingo.
En canto ás precipitacións, a choiva deixouse notar en boa parte do territorio galego, pero fíxoo con máis intensidade na provincia de Pontevedra.
Deste xeito, nas localidades pontevedresas de Fornelos de Montes e Cotobade chegaron a caer máis de 40 litros por metro cadrado nas últimas horas, un volume que tamén se superou en Rodeiro, na estación situada na Serra do Faro.
